PINTIANUS Ferdin. Nonius

PINTIANUS Ferdin. Nonius

Pintiâ Hispanus, ex illustri Guzmanorum stirpe, Bononiae sub Philip. Beroaldo Graecis literis operam dedit. Inde reversus, in Hispaniam primus linguae huius usum attulit; Ximenii post Cardinal. gratiâ adiutus, eam publice in Academia Toletana, Alcalae de Henares, docuit; ut et in Salmanticensi post haec, totius Hispaniae celeberrimâ. Scripsit Commentarios in Plinium, Melam et Senecam, populares suos, quorum primus insignite laudatur Sepulvedae et Adriano Iunio. Coeterum caelebs, et aquae potor, nullô Medicinae usu, octuagenariô maior, obiit A. C. 1552. Quenstedius de Patriis Illustr. Vir. et Anton. Teissier, Elog. Part. 1. quorum ille, haec folum verba sepulchro inscribi voluisse, Mors maximum vitae bonum est, memorat.